كيف يتم استلام الشقة

اشتريت شقة تحت الإنشاء بناءً علي الرسومات وكلام سيلز في شركة , وجه وقت التسليم اكتشفت أن بعض المتفق عليه في الشقة أو المشروع مختلف عن الواقع، سواء من مساحات أو مستوى و جودة التشطيب أو الخدمات المتفق عليها في المشروع؟

فخد بالك

الإستلام يبدأ من وقت شراء الشقة مش من وقت إستلامها

السؤال هنا كيف يتم إستلام الشقة من البائع للمشتري؟؟

دي شروط مُجَرَبه لضمان استلام شقتك وقفاً للمتقف عليه:-

أولاً: لازم تاخد ورقة الرسومات مكتوبة وموقعة من الشركة اللي اشتريت منها بالأبعاد و رسمة الواجهة ويكون فيها كافة التفاصيل، وجوا اللينك ده هتلاقي تفاصيل عن الموضوع ده.

ثانياً: بتاخد بقا الورق دا وتطابقه على الواقع من حيث أبعاد ومساحات الغرف، الحمامات، المطبخ والريسيبشن وكل حاجه في شقتك وفي الواجهة، هل الواجهة مطابقة للرسم ولا لا، طبعاً في مجال سماح في 1 سم أو 2 سم ويمكن لحد 5سم لو في جنب واحد أو غرفة واحده بس متبقاش الشقة كلها كدا.

ثالثاً: مستوى التشطيب سواء لو انت شاري نص تشطيب أو تشطيب كامل

انا احب انك تكون متابع شقتك في كل مرحلة ودا عشان لو في خطأ نقدر نلحقوا من بدري، يعني لو في أعمال بناء في الحائط مثلا زي الطوب لو لقيته غير مُستوي أو في ميول في الجنب كلو، تقدر تطلب من الشركة أو المقاول أن هو يعدل دا، ولكن لو استنيت للآخر هيكون الأمر صعب جداً لأن هيكون في تكلفة كبيرة وغالباً الشركات بترفضها.

وعموماً انا أرجح لو أنت معندكش خبرة كافية انك تاخد مهندس معاك في مرحلة الإستلام هيوفر عليك كتير جداً

في النهاية خليك عارف أن التعب الي هتتعبوا دا في إستلام كل بند بشقتك 1-هيوفر عليك كتير وانت بتشطب شقتك 2-هيعلي من مستوى التشطيب النهائي لأن التشطيب يبدأ من التأسيس .