الإستثمار العقاري

العقارات من أفضل و أكبر الإستثمارات في العالم ودا لأن الطلب عليها لا يتوقف بالإضافة الى معدل الأمان الكبير اللي فيها عشان كده حجم الإستثمار العقاري كبيرة جداً والحقيقة كمان مش محتاجه مبالغ كبيرة عشان تستثمر في العقار 100 ألف جنية اكسب 200 ألف جنية في أقل من سنة لا مش كدا وبس! دا كمان نسبة المخاطرة تكاد تكون غير موجودة إن شاء الله.

- السؤال هنا إزاي استثمر في العقار؟

1. دراسة المنطقة جيداً:-

و خد وقت فيها عشان تقدر تعرف سعر المتر الطبيعي كام وآيه المناطق والمعالم المميزة في المنطقة دي. والإستثمار بيكون في المناطق اللي تحت الإنشاء أكثر منها في المناطق القديمة ودا لأن المناطق الجديدة دي بيكون لسه البنية التحتية مخلصتش (رصف الشوارع أو الكهرباء أو التليفون أو الخدمات) وكل عامل من دول لما بيحصل بيؤدي بشكل طبيعي لقيمة مضافة على سعر المتر في المنطقة بخلاف المناطق القديمة اللي بتكون جاهزة بالكامل. وأكيد طبعاً المناطق القديمة فيها زيادة للعقار بتحصل بشكل طبيعي بس مش بنفس معدل زيادة المناطق الجديدة ويا سلام لو في مناطق جديدة داخل حيز عمراني قديم في تقسيم معتمد، في الوقت دا هتحصل على أكثر من ميزة الإسثمار منطقة جديدة زي ما قولنا، وفي نفس الوقت ميزة إنها في وسط البلد ودا بيساعد الناس اللي عايزة حاجه قريبة من شغلها غالباً.

2. إن يكون المقدم قليل:- لأنك لما تدفع مقدم قليل ويحصل التطور اللي في المنطقة واللي بيصاحبه ارتفاع في سعر العقار و ده هيعود عليك بعائد أعلى على رأس المال البسيط، يعني مثلاً لو ثمن الشقة مليون جنية ودفعت مثلاً 10% من قيمتها كمقدم بمعنى انه الإجمالي يساوي 100 ألف جنيه وبعد سنة حصلت على زيادة بقيمة 20% على سعر الشقة أصبح سعر الشقة 1.200.000 وأنت بالتالي المبلغ بتاعك هيكون ربح مبلغ 200 ألف جنية بأصل مال بسيط وهو المقدم + أقساط الشقة الأولى بس خد بالك وزي ما شرحنا في البند رقم واحد لازم تكون دارس المنطقة كويس جداً وتتأكد إنك واخد بسعر السوق الحقيقي أو اقل لكن مش أكتر أبداً.

3. عقار تحت الإنشاء:- حاول تختار عقار تحت الإنشاء ودا لأنه الشركات العقارية بتكون محتاجة سيولة عشان تستكمل بناء المشروع ودا غالباً بيخليها تتنازل شوية سواء في سعر الشقة أو المقدم أو فترة السداد بعكس المشاريع اللي بتكون جاهزة للتسليم. ولكن مهم إنك تأخد بالك من دراسة السوق فلازم تكون الشركة ليها سمعة جيدة جداً وكمان تكون ليها سابقة أعمال واضحة. ويكون العقد مكتوب فيه بوضوح ايه الشروط المترتبة على التأخير في أعمال البناء؟ ودا لأن في شركات كثير بتتأخر في البناء لإعتبارات كتيرة جداً فلازم تاخد بالك كويس قبل ما تأخد الخطوة دي.