اختيار موقع العقار

وأنت بتشتري شقتك لازم تكون عارف انك بتستثمر فيها فلوسك سواء كنت بتفكر تبيعها أو لا، لأنه ممكن في المستقبل تقرر تبيعها وتشتري في مكان تاني أو شقة أوسع، وكثير بنتصدم واحنا بنبيع أن المكان مش مطلوب في البيع أو مفيش طلب على الشارع ده، ودا بيخلينا نتأخر في البيع أو نتنازل في السعر

أنت عارف إن أكثر من 20% من وقتنا و أكثر من 70مليار جنية بيضيعوا على المواصلات؟

وعشان كدا لازم تعرف إزاي تختار موقع العقار

فيفضل أن تختار موقعك بناءً على ثلاث نقاط مهمه :-

· موقع المنطقة بالكامل:- يعني هل هتسكن في أطراف المدينة ولا في وسط البلد وفي مناطق بعيدة ولا قريبة من شغلك وأهلك ؟

· الحي الواقع في المنطقة:- هل في خدمات زي مدارس أو جامعات أو مولات الخ!

وهل قريبة من المحاور الأساسية للبلد من مداخل ومخارج وطرق ولا لاء.

· الشقة نفسها :- أبعاد الغرف والممرات والطرق والريسيبشن والحمامات والمطبخ، مستوى التشطيب الخارجي للعقار والداخلي للشقة

كل العناصر هدفها ترفع من قيمة المنتج عشان يوم ما تحتاج تبيع شقتك تكون مطلوبة في السوق وتكون عملية البيع سهلة ومُرضية ليك و للمشتري .