التمويل العقاري

التمويل العقاري ببساطة شديدة هو علاقة ثلاثية بين البنك ( الممول ) والمستثمر ( المشتري ) والشركة العقارية مالك العقار ( البائع )

المشتري بيكون عايز شقة بس تقسيط على مدة زمنية طويلة عشان يكون القسط بسيط و يقدر على سداده

بس الشركات العقارية مش بتكون قادرة توفر نفس مدة الأقساط الطويلة دي

البنك المركزي عمل مبادرة عشان يساعد الطبقة المتوسطة انها تقدر تشتري شقة وحط شوية شروط لازم تتوافر في كل من المشتري والشركة العقارية ( البائع ) وبتصل مدة الأقساط الى 20 سنة وبدعم يوصل ل 50 مليار جنية بفائدة متناقصة 10%

الشروط الواجب توافرها في العقار نفسه

· الشقة لا تزيد عن 150 متر

· يجب أن تكون الشقة متشطبة بالكامل، حتى دخول المرافق الغرض من ده أن محدش ياخد الشقة (ويسقعها) كام سنة ويبيعها

· لا يزيد سعر الشقة عن 2,000,000 مليون وربع جنيه ولا يقل عن 28,000 جنيه

· أن يقوم بسداد 20% من ثمن الوحدة كمقدم

الشروط الواجب توافرها في الشخص الذي يريد أن يأخد تمويل عقاري

· صافي دخل الفرد اللي عنده اسرة وأولاد يبدأ من 5,700 وحتى 50,000 / أو صافي دخل الفرد الذي لا يملك اسرة يبدأ من 4,200 حتى 40,000

· لم يسبق له الاستفادة في أي برنامج من برامج الدولة مثل المبادرات السابقة للبنك المركزي او الإسكان الاجتماعي أو أي مبادرة من الصندوق الاجتماعي للدولة

- لو انت حابب تبيع الشقة ده بيتم من خلال حالتين :-

1- قبل مرور 5 سنوات على شراء الشقة ( وفي الحالة دي ستقوم بسداد فارق الدعم للبنك ) (يعني هتشوف ثمن الشقة كام والبنك داعم الشقة بكام وهتدفع الفرق للبنك)

2- بعد مرور5 سنوات على شراء الشقة ( وفي الحالة دي مش هتدفع فارق الدعم ) ( ولكن هتقوم بدفع سعر الفائدة خلال الفترة المستفادة قبل بيع الشقة )

- هو العقار لازم يبقى مسجل؟

الأصل في المبادرات السابقة كان لازم يكون متسجل أو قابل للتسجيل بس في المبادرة الجديدة 2020 يمكن بضمانات أخرى مثل:-

* أصول عقارية اخرى أو بضمان شخص آخر غير المشتري

* أو لو في أي شهادات مالية في البنك كضمان

وأخيراً خصم قيمة التمويل من دخل المستثمر بشكل مباشر، بشرط انك تسجل محل التمويل بإسمك وقيدة حق الإمتياز أو الرهن عليه رسمياً لصالح الممول خلال مدة يتفقان عليها

وكمان لو انت صاحب معاش مبكر يجوز لك أخذ التمويل بشرط إنك تسدد كامل قيمة التمويل قبل بلوغ الحد الأقصى للسن الذي تحدده جهة التمويل وغالباً ما يكون 60 أو 65 سنة .